ILOILO CITY-Nakuhaan sang masobra P1 million nga balor sang iligal nga druga ang lalaki nga subject sa buy bust operation sa Zone 10, Calaparan, Arevalo, Iloilo City.
Ang arestado amo si Vincent Provido alyas Tagoy, 37, residente sang Zamora, Iloilo City Proper apang nagarenta sang ilistaran sa Calaparan.
Sa interview sang Bombo Radyo kay PCpt Glen Soliman, team leader sang Regional Police Drug Enforcement Unit, iya ginpahayag nga una ng nabaklan si Provido sang isa ka sachet sang shabu nga nagabalor P50,000 kag narekober pa gid sa iya ang tatlo ka sachets sang shabu nga nagabug-at sang 170 gramos nga nagabalor sang P1,156,000.
Suno kay Soliman, sa Iloilo City naga-operate si Provido kag sa Metro Manila nagahalin ang iya supply.
Dugang ni Soliman, ginakabig si Tagoy bilang High Value Individual kag madugay naman ini nga gina-monitor apang nagasaylo-salyo lang sang ilistaran sa tion nga makamutik ini nga ginapanilagan siya sang otoridad.
