ILOILO CITY – Nagapadulong na sa Marikina City ang mga delegado sang Western Visayas para sa Palarong Pambansa 2023.
Ang Palarong Pambansa ang hiwaton sa Marikina City sa Hulyo 29 tubtob Agosto 5.
Sa interview sang Bombo Radyo kay Mr. Hernani Escullar, Jr., spokesperson sang Department of Education Region VI, iya ginpahayag nga ang Western Visayas delegates ang ginabug-usan sang 539 ka mga athletes, 131 nga mga coaches, assistant coaches kag chaperones, kag 143 nga myembro sang technical working group.
Suno kay Escullar, ang regional office pinaagi sa gin-download nga budget sang central office, ang maga-gasto sang pamasahe sang delegates kag pagkaon samtang didto sa Marikina City.
May yara na sang advance party nga nag-abot sa Marikina City agud nga maghanda sang kinahanglanon sang delegates.
Sa nangin mensahe naman ni Department of Education Region VI director Dr. Ramir Uytico, nagpanugyan ini sa mga athletes nga hatagan sang balor ang kahigayunan nga makapasakop sa Palarong Pambansa.
Dugang pa ni Escullar, nagpanugyan man ang regional director sa mga ini nga himuon ang ila nga masarangan agud nga makuha ang kampyeonato.
Sa pinakaulihi nga Palarong Pambansa, yara sa ikatatlo nga pwesto ang Region VI.
