Wala ang Serbian superstar kag National Basketball Association (NBA) Finals Most Valuable Player (MVP) nga si Nikola Jokic sa nagahilapit nga FIBA World Cup sa Pilipinas.
Ginpahayag sa ginkumbinse man kuntani sang coach ang two-time NBA-MVP nga maghampang para sa Serbia, apang nagpamalibad na ini bangud sa mga prayoridad sini nga kinahanglan unahon matapos nakuha ang 2022-2023 championship kaupod sa Denver Nuggets.
Kun matandaan, nakaupod si Jokic sa team sang Serbia sa 2019 FIBA World Cup sa China nga nagtapos sa 6-2 record kag nagpanglima sa amo nga edisyon.
Pananglitan wala si Jokic, daku ini nga pagpanghangkat sa Serbia nga maga-atubang sa China, South Sudan kag Puerto Rico sa Group B sa stage games sa Araneta Coliseum sa katapusan sang Agusto.
Katapusan nga nakaupod sa Serbia si Jokic nga kilala man nga The Joker sa Eurobasket kag sa European Qualifiers.
Sa World Cup qualifiers, may yara ini sang average nga 26.5 points, 9.0 rebounds, kag 3.0 assists sa duha ka games. #
