ILOILO CITY – Opisyal na nga nag-commit si Jordan Clarkson nga maghampang para sa Gilas Pilipinas.
Ini ang ginkumpirmar ni Samahang Basketbol ng Pilipinas president Al Panlilio.
Ang anay NBA Sixth Man of the Year ang maga-upod sa team sa Agosto 6, halos tatlo ka semana ang nabilin antes ang opening sang 2023 FIBA World Cup.
Ang anay Los Angeles Lakers draftee ang magahampang bilang naturalized player sang Pilipinas sa Agosto.
Samtang, si Justin Brownlee naman ang mangin reinforcement sang squad para sa Asian Games sa Septyembre.
Ang 6-foot-5 nga si Clarkson nga nagpirma sang extension sa Utah Jazz, ang naghampang para sa Gilas sang 2022 sa World Cup Qualifiers.
Ginpahayag man ni Clarkson ang iya excitement sa development pinaagi sa pag-post sang picture sang iya anak nga si Callie Clarkson sa iya social media account.
Ang Pilipinas ang magasugod sang campaign sa Agosto 25 batuk sa Dominican Republic sa Philippine Arena.
Ang mga hampang sang Gilas ang ginalakipan sang matchups batuk sa Italy kag Angola.
