ILOILO CITY – Indi pa maka-upod ang Filipino big man nga si Kai Sotto sa campaign sang Gilas Pilipinas sa 2023 Heyuan WUS International Basketball Tournament sa China.
Si Sotto ang nagapa-ayo sa gihapon matapos ang iya back injury nga nakuha niya samatng nagahampang sa Orlando Magic sa NBA Summer League sa Las Vegas.
Ang Gilas Pilipinas nga yara na sa final stretch sang preparasyon para sa 2023 FIBA World Cup, ang una nga magahampang batuk sa Asian powerhouse nga Iran sa Agosto 4 sa Heyuan Sport Gymnasium antes makasumpong ang Senegal sa Agosto 4 sa Jiangmen En Ping Sport Gymnasium.
Liwat nila nga kontrahon ang Senegal sa Agosto 6 kag ang Iran sa Agosto 7.
Bangud nga wala si Sotto, ang Gilas ang magasalig sa iban pa nga big men nga sanday June Mar Fajardo kag AJ Edu bangud nga ang duha ka mga naturalized players nga sanday Justin Brownlee kag Ange Kouame ang indi man makahampang.
Samtang, si Jordan Clarkson ang ginalauman nga maga-abot sa China sa Agosto 6 suno kay Samahang Basketbol ng Pilipinas president Al Panlilio.
