ILOILO CITY – Madamo na nga projects kag programa ang nasuguran sang bag-o nga hepe sang Iloilo City Police Station 1 apisar nga sang nagligad lamag ini nga semana nagpungko.
Sa exclusive interview sang Bombo Radyo kay Police Captain Roque Gimeno III, iya ginpahayag nga may yara sang 45 ka mga barangay sa syudad nga sakop sang iya nga istasyon.
Suno sa iya, isa pa lamang ka semana siya nga makapungko sa iya pwesto, apang may yara na sang mga programs nga gin padayon lang niya kaangay sang Project TEAM ukon Treat, Equip Activate and Mobilize bilang pagpanghanda sa pag-edukar sang mga barangay tanod kag barangay officials.
Nagpatigayon man sila sang Project TEAM ukon Train, Equip, Activate, and Mobilize para sa mga kabataan bilang pagpanghanda sa pagbukas sang klase.
Para naman sa nagahilapit nga October 2023 Barangay and Sangguniang Kabataan elections, ginpahayag ni Gimeno nga nakapatigayon na sila sang simulation exercise.
Si Gimeno ang nagaserbe man nga team leader sang Iloilo City Drug Enforcement Unit.
Photo from PRO VI
