ILOILO CITY- Ginakilala sang Philippine Drug Enforcement Agency Region 6 ang papel sang mga barangay sa kampanya batok sa illegal drugs.
Sa interview sang Bombo Radyo kay Atty. Bomrad Soc Abonado, spokesperson sang Philippine Drug Enforcement Agency Region 6, iya ginpahayag nga bangud kulang ang personnel sang ahensya kag tuman man ka limitado ang ila resources, dako gid nga bulig ang ginahimo sang mga barangay magluwas pa sa pag-augment man sang Philippine National Police.
Suno kay Abonado ang barangay gid ang first line of defense kag line of attack batok sa mga tawo nga involved sa illegal drugs.
Dugang niya, nagaserbe nga mata sang ahensya ang barangay bangud nga ang mga pumuluyo mismo ang mas may ihibalo kun sin-o ang nagagwa-sulod sa ila lugar kag sila man ang makatumod kun sin-o ang makaduluda ang hulag.
May kaangtanan sa pagdeklarar sa mga barangay sa Western Visayas bilang drug- cleared, yara palang ini sa 80 tubtob 90 %.
Gintuad naman sang natungdan nga ang lloilo City kag Bacolod City ang duha ka mga syudad nga may dako nga porsyento
sang nagakalahinabo nga illegal drug trade kag mabudlay papason rason nga indi pa malab-ot ang 100% nga drug-cleared barangays sa bilog nga rehiyon.
