Gin-athag sang Kongreso nga wala sang gingasto kag wala sang gastuhon ang gobyerno sa byahe sang bag-ong kasal nga si Arjo Atayde padulong sa Switzerland, Italy kag Greece halin sa Agusto 5 tubtub 27.
May yara man sang official travel authority nga gin-isyu sang Hulyo 10 kag pirmado ni House Secretary General Reginald Velasco on behalf sang House Speaker.
Nakasaad diri nga si Atayde nga amo ang representative sa 1st District sa Quezon City ang otorisado nga magbyahe sa amo nga petsa padulong sa Switzerland agud itiglawas ang Pilipinas sa screening sang pelikula nga Topakk sa 2023 Locarno International Film Festival.
Ini kaangot sang katungdanan ni Atayde bilang isa sa vice chairpersons sang House Special Committee on Creative Industry and Performing Arts kun sa diin ang chairman amo si Pangasinan 4th District Rep. Christopher De Venecia.
Magluwas diri, may yara man sang official travel authority nga nagapahanugot sa actor-turned-politician nga magbisita sa Italya kag Greece.
Ang pagpaathag sang Kongreso ang nagakontra sa mga pahayag nga ginasabat sang gobyerno ang byahe nanday Atayde kag Maine Mendoza nga nagpakasal sang weekend sa Baguio City.
Una naman nga ginpahayag sang bag-ong kasal nga personal nila nga ginabayaran ang ila nga byahe apisar official pa ang nature sini. #
