ILOILO CITY – Ang Pilipinas ang may manami nga campaign sa bag-o lang natapos nga 2023 Asian Youth & Junior Weightlifting Championships sa Delhi, India bangud sang nadag-an nga 19 gold medals, 10 silvers, kag apat ka mga bronze medals.
Isa sa mga medalists amo si Vanessa Sarno nga nakakuha sang tatlo ka bulawan sa women’s junior 71 kg event.
Apang, si Sarno ang ginpaidalom sa intensive care sa sulod sang duha ka adlaw matapos nag-collapse sang nag-abot sa India.
Siya ang gin-abisuhan sang doktor nga indi magpasakop sa tournament apang, nag-compete ini sa gihapon kag nagdaog sang mga medalya.
Suno sa iya, indi niya gusto nga uyangan ang tsansa bangud kampante man ini nga makakuha sang gold medals.
Dugang pa niya, nagpadulong siya sa India agud nga mag-compete kag indi magpahuway.
