ILOILO CITY – Nagdangat sa P4.00 per liter ang igasaka sang presyo sang diesel epektibo bwas nga adlaw, Agosto 8.
Magluwas sa diesel, magasaka man sang P0.50 per liter ang presyo sang gasolina kag P2.75 sa kada litro sang kerosene.
Ini na ang ikalima nga semana nga pagsaka sang presyo sang diesel kag kerosene kag ika-apat naman sa gasolina.
Una na nga ginpahayag sang Department of Energy Oil Industry Management Bureau nga magasaka ang presyo sang gatong subong nga semana bangud sang production cut sa Saudi Arabia.
