Gin-dominar sa gihapon sang Pilipinas ang ikaduha nga hampang sini batok sa Iran sa Heyuan WUS International Basketball Tournament sa China, 63-48.
Ini ang katapusan nga hampang sang Gilas sa amo nga pocket tournament kun sa diin ginauyatan sini ang 3-1 win-loss record.
Una na nga nalutos sang Gilas ang Iran; samtang ang isa naman sini ka pierde ang naangkon sini sa una nga pagsambuwa batok sa team sang Senegal.
Wala sa sambuwa ang Filipino-American NBA guard nga si Jordan Clarkson, si Kai Sotto, kag si Scottie Thompson, apang nagpakita sang abilidad si Dwight Ramos paagi sa iya 17 points kag 14 rebounds.
Sa Agusto 20, may yara sang friendly match ang Pilipinas batok sa Montenegro kag may sambuwa man batok sa Mexico sa Agusto 21 kun sa diin ginalauman nga yara na si Clarkson. #
