Nagbalik na sa Pilipinas ang National Basketball Association (NBA) star nga si Jordan Clarkson agud buligan ang Gilas Pilipinas national team para sa nagahilapit nga FIBA World Cup 2023.
Kahapon sang nagbiya ang Filipino-American guard sa Los Angeles para nga makatinir sa Manila bilang preparasyon sa hampang sang national team.
Wala nakaupod si Clarkson sa hampang sang Gilas sa China bangud sa mga isyu sa visa, apang gamiton sini ang nabilin nga tyempo agud maka-practice antes mag-umpisa ang World Cup sa Agusto 25.
Ang 31-anyos nga former NBA Sixth Man of the Year ang nakahampang sang duha ka beses para sa Pilipinas sa FIBA World Cup Asian qualifiers sang nagligad nga tuig kun sa diin may average ini nga 25 points, 6.5 assists, kag 5.5 rebounds sa kada match. #
