ILOILO CITY – Nagapadayon ang refresher training sang Metropolitan Manila Development Authority sa 200 ka mga traffic enforcers sang syudad sang Iloilo.
Sa interview sang Bombo Radyo kay Mr. Jeck Conlu, pinuno sang Public Safety and Transportation Management Office, iya ginpahayag nga maayo ang interaction sang mga personnel kag madamo sang mga leksyon ang ila natun-an nagikan sa mga trainers.
Suno kay Conlu, may yara sang mga bag-o nga leksyon nga gintudlo ang trainers kag mga sitwasyon nga bag-o sa mga enforcers apang ginalantaw nga posible matabo man sa Iloilo sa pila ka adlaw.
Dugang pa niya, makit-an man sa mga enforcers nga desidido sila nga magtu-on sa mga problema nga ginahatag sang trainers.
Magluwas sa Metropolitan Manila Development Authority, nagapatigayon man sang second-level training ang University of the Philippines National Center for Transportation Studies sa 50 ka mga supervisors.
Antes ang training, may ginpatigayon na nga pre-test.
Pagkatapos naman sang training, may patigayunon nga post-test agud nga ma-assess ang natun-an sang mga ini.
Una na nga ginapahayag ni Conlu nga nagaplano man ang syudad nga magtukod sang kaugalingon nga traffic academy.
