Makaatubang sang Gilas Pilipinas star nga si Jordan Clarkson ang iya teammate sa Utah Jazz nga si Simone Fontecchio nga amo ang magapanguna sa team sang Italya kun magsambuwa ini sa Pilipinas sa group stage sa FIBA World Cup.
Ang 6-foot-7 nga si Fontecchio ang nagahampang nga forward sang Utah Jazz kag amo ang nagaisahanon nga aktibo nga NBA player nga nakasimpon sa beterano kag mga bataon nga player sang Italya.
Si Clarkson naman ang nag-abot man sa Pilipinas bilang naturalized player kag magabulig sa Pilipinas sa amo nga tournament.
Pareho nga yara ang Pilipinas kag Italya sa Group A kun sa diin yara man ang Dominican Republic kag ang Angola.
Una nga makaatubang sang Italya ang Angola sa Agusto 25 sa Philippine Arena sa Bulacan antes sini nga maka-sambuwa ang Gilas Pilipinas sa Agusto 27 sa Araneta Coliseum. #
