ILOILO CITY – Ginapasalamatan sang Iloilo Police Provincial Office ang bulig sang kumunidad sa ila madinalag-on nga police operations.
Sa data sang Iloilo Police Provincial Office humalin sang Agosto 7-13, 2023, nagdangat sa 24 ka mga wanted persons ang na-aresto kun sa diin, 24 ang most wanted kag 50 ang other wanted persons.
Sa kampanya naman batuk sa iligal nga droga, masobra sa P2 million ang balor sang na-recover nga droga sa 20 ka mga operasyon nga ginkadakop naman sang 28 ka mga indibidwal.
Sa interview sang Bombo Radyo kay Police Major Rolando Araño, spokesperson sang Iloilo Police Provincial Office, iya ginpahayag nga ang bulig sang kumunidad ang nagapakita lamang sang dako nga pagsalig nila sa mga kapulisan.
Samtang, bangud sang madinalag-on nga mga operasyon, ginpanginbulahan ni Police Colonel Ronaldo Palomo ang nagkalain-lain nga mga units.
Ini ang nagapakita man sang dedikasyon kag kapisan sang mga kapulisan.
