ILOILO CITY – Liwat na naman nga magasaka ang presyo sang gatong subong nga semana.
Base sa advisory sang oil companies, yari ang oil price adjustment nga mangin epektibo bwas nga adlaw, Agosto 22:
Gasolina- magasaka sang P1.10 per liter;
Diesel- magasaka sang P0.20 per liter; kag
Kerosene- magasaka sang P0.70 per liter.
Ang projected mixed movements sa presyo sang gatong ang bangud sa pagluya sang ekonomiya sang China kag ang amat-amat nga pagnubo sang demand, ang senyales sang pagbalik sang inflation sa Estados Unidos, ang pagbaskog sang dolyar, kag ang mataas nga expected draw sa United States inventories.
Ini na ang ika-anum nga sunud-sunod nga semana nga pagsaka sa presyo sang gasolina samtang ika-pito naman sa presyo sang diesel kag kerosene.
