ILOILO CITY- Nasapwan ang isa ka tigulang nga wala na sang kabuhi samtang nagakabit ang isa niya ka tiil sa kuryente sang motor sang tubig sa Barangay Bitaoyan 2, Badiangan, Iloilo.
Ang biktima amo si Jose Delfin,72 anyos samtang ang nakasapo sa iya amo ang apo nga si Elmer Arsenal, 37 anyos.
Sa interview sang Bombo Radyo kay Police Major Bonifacio Alabe Jr., hepe sang Badiangan Municipal Police Station, iya ginpahayag nga ginkatingala sang mga himata ni Delfin nga wala ini makapauli sa sulod na sang pila ka oras gani ila ini ginpangita.
Didto na nakit-an sang apo ang iya lolo nga wala na nagahulag kag ginapatihan nakuryente sa nagawayway nga linya sang electric motor.
Suno kay Alabe, nagapati naman ang pamilya nga posible nasalawid lang ini sa kuryente sang tubig kag wala sang natabo nga foul play.
