Ano ang ibato sang isa ka bataon kag gamay nga pungsod sa isa ka nasyon nga may superpowers?
Nahibaluan na sang South Sudan ang sikreto!
Ang South Sudan ang nagapang-62 lamang sa ranking sang FIBA kag amo ang pinakabata nga nasyon sa World Cup nga nahatagan lamang sang kahilwayan 12 ka tuig pa lang ang nakaligad.
Sa bulig sang Chicago bulls star nga si Carlik Jones, ginkibot sini kag ginlutos ang World No.27 nga China, 89-69, sa group match sa Smart Araneta Coliseum.
Yara man sa amo nga African nation si Khaman Maluach, 16, ang youngest player sa 2023 FIBA World Cup kag ikatatlo nga youngest player sa bilog nga maragtas sang FIBA World Cup halin pa sang 1950.
Buhi ang paglaum sang team para sa round of 16 amo man ang paglaum nga mahatagan sang slot para sa automatic qualifier sang Africa para sa Paris Olympics. #
