Gina-uyatan sang former Philippine Basketball Association (PBA) Best Import nga si Rondae Hollis-Jefferson ang pinakamataas nga scoring output sa single game sang nagapadayon nga FIBA World Cup 2023.
Nakatipon ini sang 39 points, nine rebounds kag four assists apang nalutos sa gihapon ang iya team nga Jordan batok sa New Zealand sa group match sa Mall of Asia Arena.
Si Hollis-Jefferson ang naka-skor sang ulihi nga siyam ka puntos para sa Jordan lakip na ang four-point play sang dies minutos na lamang ang nabilin sa regulation rason nga nagpatas ang skor kag may ginhatag nga extra period.
Diri na kag nagbawi ang Kiwis sa overtime kag nakuha ang kadalag-an, 95-87, kasunod sang ila una nga kalutusan sa USA.
Ini naman ang ikaduha nga kalutusan sang Jordan matapos nga napierde man sa kamot sang Greece sa imbukada nga hampang sa Group C. Isa ang Jordan sa Asian teams sa World Cup kaupod sa Pilipinas, China, Japan, Iraq, kag Lebanon. Ang Asian team nga makakuha sang best standing amo ang hatagan sang slot para sa 2024 Paris Olympics. #
