ILOILO CITY – Sa subong nga mga panahon nga nagasaka ang presyo sang balaklon, indi basta-basta ang pagtukod sang pamilya.
Amo ini ang rason kun ngaa nga madamo naman sang mga soltero kag dalaga ang wala nagadali nga magpasakal.
Sa China, manubo naman ang marriage rate kag mangin ang birth rate.
Bangud sini, ang Changshan county ang naga-offer sang cash sa mga young couples nga magpasakal sa tinutuyo nga mautod na ang amo nga trend.
Ang mga bag-o kasal nga mga couples ang makabaton sang reward nga 1,000-yuan ukon masobra sa P7, 000 kun ang bride ang naga-edad 25 anyos kag panubo.
Suno sa county, katuyuan sang reward nga ma-promote ang “age-appropriate marriage and childbearing” para sa mga bag-o kasal.
Magluwas sa reward, ma-avail man ang serye sang childcare, fertility kag education subsidies para sa mga couples nga may mga kabataan.
