ILOILO CITY – Wala sang epekto sa mga learners sa Tigbauan National High School ang pagkakas sang decorations sa mga classrooms.
Base sa Department of Education Order No. 21, s. 2023, nasa-ad nga dapat nga ang mga classrooms kag ang mga dingding sini ang kuha-an sang anuman nga “unnecessary artwork, decorations, tarpaulin and posters” agud nga makatutok ang mga estudyante sa pagtuon.
Sa interview sang Bombo Radyo kay Rofel Torefranca, senior high school teacher sa Tigbauan National High School, iya ginpahayag nga sa iya nga klase, nakatutok sila sa pagtuon sang mga estudyante.
Suno sa iya, mas madamo ang mga activities kag performances gani, indi na kinahanglan ang mga dekorasyon.
Samtang, ginapahanugutan man ang paggamit sang cellphone sa kondisyon nga may kaangtanan ini sa ila nga klase.
