Ipa-guwa mangin sa mga sinehan sa Estados Unidos sang Amerika ang pelikula nga ‘A Very Good Girl’ kun sa diin bida sanday Kathryn Bernardo kag Golden Globe nominee nga si Dolly de Leon.
Maga-umpisa ang showing sini sa US cinemas sa Oktubre 13.
Excited si De Leon nga mapakita sa North America ang produkto sang Pilipinas bangud world-class suno sa iya ang kalidad sini nga maapresyar gid sang filmgoers.
Bag-uhan naman para kay Kathryn ang balatyagon nga ipalantaw sa mas daku nga audience ang iya abilidad, kag nagalaum siya nga magbukas ang dugang nga oportunidad para sa iban nga Filipino films.
Malantaw ang “A Very Good Girl” sa Philippine theaters umpisa sa Septyembre 27.
Sa idalom sang direksyon ni Petersen Vargas, bida man diri sanday Jake Ejercito kag Angel Aquino. #
