Ginalantaw sang mga analysts nga magasaka sa 5% ukon lapaw pa ang inflation rate sa Pilipinas sa bulan sang Agusto.
Mas mataas ini sa 4.7% rate nga amo ang na-rekord sa bulan sang Hulyo.
Ang primary factors nga ginalantaw sang market analysts amo ang saka sa presyo sang produktong-petrolyo kag pagkaon.
Ini bangud pananglitan mapatuman na ang oil price adjustments sa masunod nga semana, ini na ang ikawalo nga sunod-sunod nga semana sang price hike para sa gasolina samtang ika-siyam naman para sa diesel kag sa kerosene.
Ini nga forecast sang analysts ang malapit sa projection range sang Bangko Sentral ng Pilipinas nga 4.8 percent tubtub sa 5.6 percent sa bulan sang Agusto.
Natalana nga ipaguwa sang national government ang Consumer price index sa Agusto buwas, Septyembre 5. #
