Duha ka NBA stars ang ginpaguwa antes pa man matapos ang bakbakanay sang Canada kag Slovenia sa quarterfinal match sang FIBA World Cup 2023 sa Mall of Asia Arena sa Pasay City subong nga gab-i.
Sa fourth quarter sang una nga nagguwa ang Houston Rockets kag Canadian star nga si Dillon Brooks bangud sang disqualifying foul, samtang nagsunod naman ang fan-favorite nga Dallas Mavericks star kag ginalantaw kuntani nga potential MVP nga si Luka Doncic bangud sang iya ikaduha nga technical foul.
Nagtapos si Doncic nga may 26 puntos sa 8-of-20 shooting, lima ka assists, kag apat ka rebounds, samtang si Brooks naman ang may yara sang 14 ka puntos, tatlo ka rebounds, kag tatlo ka assists sa iya 28 minutos nga hampang.
Sa katapusan sang sambuwa, nagpangibabaw ang Canada, 100-89, nga amo ang ila labing-una nga pagtapak sa FIBA World Cup semifinals.
Atubangon sini ang Serbia sa semifinals samtang maga-atubangay naman ang Germany kag ang USA sa pihak nga bracket.#
