Maga-abanse na sa semifinals ang Canada matapos gintumba si Luka Doncic kag ang Slovenia, 100-89, sa knockout quarterfinals match sa FIBA World Cup 2023 sa Mall of Asia Arena sa Pasay City.
Sunod nga atubangon sang Canadians ang powerhouse team nga Serbia sa semis sa Byernes, Septyembre 8, samtang magasambuwa naman ang teams sang Germany kag ang USA sa pihak nga bahin sang bracket para sa final four.
Nagpanguna sa North Americans ang Oklahoma City Thunder star nga si Shai Gilgeous-Alexander nga may 31 puntos, 10 ka rebounds, apat ka assists, kag duha ka steals.
Sa third quarter nagbubo sang pwersa ang star-studded squad paagi kanday Alexander, RJ Barrett, kag Kelly Olynyk nga nagpasaka sa 77-61 lead sang Canada halin sa makahalawat-hawat nga 50-50 nga skor sa halftime.
7:06 ang nabilin sa oras sa hampang sang ginpaguwa ang Canadian star nga si Dillon Brooks bangud sa disqualifying foul, apang amo na lamang ang gahod sang fans sang pila ka ginutlo lamang ang nakaligad, 6:37 ang nabilin sa oras, ginpaguwa man si Doncic bangud sang iya ikaduha nga technical foul.
Antes nag-guwa sa quarterfinal match, nakatipon pa ang Dallas Mavericks stars sang 26 puntos, lima ka assists, kag apat ka rebounds para sa Europeans.
Atubangon sini ang Lithuania sa Huwebes sa pagsugod sang consolation playoffs nga amo ang magatumod kun ano nga pungsod ang pang-lima tubtub pang-walo subong nga tournament. #
