ILOILO CITY – Liwat na naman nga magasaka ang presyo sang gatong subong nga semana.
Base sa advisory sang mga oil companies, yari ang matabo nga adjustment:
ang diesel ang magasaka sang P0.40 per liter;
ang gasolina ang magasaka sang P0.20 per liter; kag
ang kerosene ang magasaka sang P0.20 per liter.
Bwas, Setyembre 12, mangin epektibo na ang ini nga adjustment.
Ini na ang ika-siyam nga sunud-sunod nga price hike sa gasolina kag ikapulo sa diesel kag kerosene.
Suno sa Oil Industry Management Bureau sang Department of Energy, ang price hike subong nga semana ang bangud sa kabalaka sang posible supply shortage sa peak winter demands kadungan sang pagpalawig pa sang voluntary supply cuts sang Saudi Arabia kag Russia tubtob sa katapusan sang tuig.
