ILOILO CITY – Ang mga kababainhan ang mahilig gid nga mag-dress up sa pagpadulong sa trabaho.
Pero ano ayhan ang imo reaction kun makakita ka sang lalaki nga kasado kag indi man myembro sang lesbian, gay, bisexual, transgender (LGBT) community, apang nagasuksok sang Lolita-style dresses kag naga-make up adlaw-adlaw?
Sa China, ginakalingawan subong ang isa ka 36-year-old former computer programmer kag cosplay enthusiast bangud sa indi kinaandan nga get up kun magtrabaho.
Si D-Jiang ang fan gid sang Lolita and Gothic Lolita fashion, kag nagasuksok man sang female attires sa nagkalain-lain nga cosplay events.
Sa sulod sang duha na ka tuig, nagasuksok siya sang cosplay garments adlaw-adlaw kag naga-spend gi sang pila ka oras kada aga agud nga mag-make up antes magpadulong sa trabaho.
Ang iya nga asawa nga isa man ka fan sang Lolita fashion ang wala gid nagareklamo.
Suportado niya ini kag sa pagkamatuod, ginabuligan pa niya ini sa pagbutang sang iya make-up.
Wala sang labot si D-Jiang sang ginahambal sang tawo bangud sa iya unique style.
Ang importante suno sa iya amo nga na-namian siya sa iya ginahimo.
