ILOILO CITY – Mark your calendars, pageant fans!
Gin-anunsiyo na sang Carousel Productions kag TNA Entertainment ang final details sang ginahulat-hulat nga Miss Earth 2023 competition.
Ang pre-pageant events ang patigayunon humalin sa November 28 tubtob December 21 kag ang coronation night ang hiwaton sa December 22 sa Vietnam.
Ini ang una nga gin-set sa Disyembre 16 apang ginbag-o kag ginhalin agud nga maka-accommodate sang mas madamo nga audience sa pinakadako nga convention center sang Ho Chi Minh City nga Saigon Exhibition and Convention Center.
Ang Vietnam ang gin-anunsiyo nga amo ang masunod nga host country matapos nagbalik na ang in-person events sa Pilipinas sa 2022 edition.
Ang 2023 pageant ang magamarka man bilang ikatatlo nga international stint sang Miss Earth sunod sa Austria sang 2015 kag Vietnam sang 2010.
Ihatag ni Mina Sue Choi ang korona sa iya successor.
Si Mina ang pinakauna nga beauty queen nagikan sa South Korea nga nakadaog sang title.
Samtang, iga-represent naman ni Yllana Aduana ang Pilipinas sa environmental pageant.
Nakuha sang scientist kag model ang Miss Earth Philippines title sang Abril.
Tinguha-an niya nga makuha ang ikalima nga crown sa Pilipinas nga una nga nakuha nanday Karla Henry sang 2008, Jamie Herrell sang 2014, ang Ilongga nga si Angelia Ong sang 2015, kag Karen Ibasco sang 2017.
