Wala gid sang bisan isa nga nabulsa nga medalya ang Pilipinas sa 2023 International Weightlifting Federation (IWF) World Championships sa Riyadh, Saudi Arabia.
Sa 71-kilogram women’s division, nagpang-19 lamang ang Southeast Asian gold medalist nga si Kristel Macrohon.
Wala naman sang rank sa kumpetisyon ang SEA Games gold medalist kag Asian and world junior champion nga si Vanessa Sarno bangud apisar nakatapos sa iya nga snatch category, wala na ini nakadayon sa clean and jerk bangud sa iya nga injury.
Ang Olympic gold medalist nga si Hidilyn Diaz ang nagpang-pito lamang sa 59-kilogram category sang women’s division, samtang nagpang-walo naman ang isa pa ka Tokyo Olympian nga si Elreen Ando.
Sunod nga preparahan sang Pinoy weightlifters ang 19th Asian Games sa Hangzhou, China nga balantayan na subong nga bulan.
