ILOILO CITY – Na-obserbaran sang Iloilo City Public Safety and Transportation Management Office nga dako ang nabulig sang partial opening sa Ungka flyover sa dalagan sang trapiko sa lugar.
Sa interview sang Bombo Radyo kay Mr. Jeck Conlu, pinuno sang talatapan, iya ginpahayag nga tayuyon ang dalagan sang mga salakyan sa flyover.
Suno kay Conlu, halos 90% sang mga salakyan nga naglabay sa ibabaw sang flyover ang ginabug-usan sang mga private cars.
Magluwas sa ambulansya nga nagsab-it sa vertical line, wala sang may nakita nga problema sa partial opening.
Sang liwat nga ginsirad-an ang flyover, pahayag ni Conlu, may gamay nga paggutok sang trapiko sa bahin sang Pavia, Iloilo bangud sang adjustment.
Subong nga hapon tubtob las-otso karon sa gab-i, wala sang dugang nga adjustment nga ipatuman sa pagdeliher sang trapiko sa lugar.
Apang, ginpasalig ni Conlu nga may yara sang standby personnel ang iya opisina agud nga mag-augment sa tion nga kinahanglanon.
Ipasiguro lamang sang talatapan, pahayag niya, nga indi maka-agi sa flyover ang mga tricycle, pedicab, motorbikes kag bisikleta.
