Balantayan subong nga adlaw, Septyembre 26, ang imbukada nga hampang sang Gilas Pilipinas sa Asian Games.
1:30 karon sa hapon atubangon sang Pilipinas ang Bahrain nga No. 69 sa kalibutan ukon 31 spots nga mas manubo sa Pilipinas sa ranking.
Indi man ma-asi-asi ang amo nga pungsod bangud kaangay sa Gilas, kuwalipikado man ini sa FIBA Olympic Qualifying Tournament matapos wala nakaagi-lutos sa Olympic Pre-Qualifying Tournament sa Syria sang Agusto.
Manguna sa Gilas ang naturalized player nga si Justin Brownlee agud makuha ang medalya para sa national team nga kun matabo amo ang labing-una halin sang 1998.
Magapanguna naman sa Bahrain ang anay import sang Philippine Basketball Association (PBA) nga si Wayne Chism nga nakahampang sa Rain or Shine.#
