ILOILO CITY- Ginapasabat sang Iloilo City Government ang tagdumalahan sang convenience store sa Smallville Complex, Mandurriao, Iloilo City kun sa diin natabo ang rambol sang mga pamatan-on.
Sa interview sang Bombo Radyo kay Mr. Nestor Canong, head sang Task Force on Morals and Values Formation, iya ginpahayag nga imbestigahan sang syudad kun may lapses sa ila nga bahin kun ngaa nagluntad ang amo nga insidente.
Suno kay Canong, i-check nila kun nakapaidalom sa trainings ang bouncers ukon mga guardiya sang establishments.
Pahayag niya, ang sabat sang tagdumalahan ang mangin basehan sang himuon nga rekomendasyon nga ipasa kay Mayor Jerry Treñas sa kun ano man nga sanctions ang idagdag sa convenience store.
Sa interview naman sang Bombo Radyo kay Mr. Jeck Conlu, pinuno sang Public Safety and Transportation Management Office, iya ginpahayag nga normal man lang ang kaangay nga insidente.
Apang suno kay Conlu, sa pihak sang natabo, generally peaceful sa gihapon ang syudad kag prayoridad gihapon sang mga kapulisan kag Iloilo City Government ang paghatag sang seguridad sa mga pumuluyo.
