ILOILO CITY- Naglinagsanay kag naghabuyanay sang bato ang mga grupo sang mga estudyante sang A. Bonifacio Integrated School sa Ledesma Street, Iloilo City Proper.
Sa interview sang Bombo Radyo kay PCaptain Roque Gemino III, hepe sang Iloilo City Police Station 1 , iya ginpahayag nga halos sunod-sunod nga mga inadlaw nga may isa ka grupo sang pamatan-on nga ginapangunahan ni alyas ‘Mark’ nga amo ang masami nga nagabantay sang mga estudyante kag nagapang-bully.
Suno kay Gimeno, may mga tinion nga may ginkastigo ini nga estudyante kag nagadala man sang patalum.
Una na nagpabutyag sang kahangawa ang mga ginikanan sang mga estudyante sa nasambit nga eskwelahan bangud wala sang pulis nga nagabantay sa area.
Nagpasalig naman si Gimeno nga mag-deploy sang personnel agud maresolba ang masami nga pagluntad sang rambol.
