ILOILO CITY – Nagapabilin nga matinlo ang record sang Gilas Pilipinas sa nagapadayon nga 19th Asian Games sa Hangzhou, China.
Ini matapos nga ginlutos sang Gilas ang Thailand sa score nga 87-72.
Ginpangunahan ni Justine Brownlee ang kadalag-an sang Gilas pinaagi sa 22 points.
Samtang, si CJ Perez ang may 16 points; June Mar Fajardo nga may 9 points; Calvin Oftana nga may 8 points; Japeth Aguilar nga may 6 points; Ange Kouame nga may 5 points; Chris Newsome nga may 5 points; Kevin Alas, Marcio Lassiter kag Alvin Tolentino nga may tag-3 points.
Una nga ginlutos sang Gilas Pilipinas ang Bahrain sa score nga 89-61.
Sunod nga kontrahon sang Gilas ang Jordan sa Sabado, Setyembre 30.
