Maga-abanse na ang pares nga sanday Alex Eala kag Francis Casey “Nino” Alcantara sa semifinals sang mixed doubles sang tennis sa 19th Asian Games.
Ini matapos ginlutos ang players sang Thailand nga sanday Luksika Kumkhum kag Maximus Jones, 6-4, 6-4, sa isa ka oras kag 19 minutos nga hampang sa quarterfinals sa Hangzhou, China.
Bangud sini, sigurado na sanday Eala kag Alcantara nga makapadala pauli sang bronze medal sa Asiad.
Sunod nila nga atubangon ang Chinese Taipei sa amo nga event.
Photo Courtesy: Philippine Sports Commission
Ang kadalag-an sang Filipino pair ang natabo pila ka oras lamang matapos nalutos ang 18-anyos nga si Eala sa tatlo ka oras nga women’s single tennis semis match kun sa diin nag-settle lamang ini sa bronze medal.
Target sang Filipino players nga mabulsa ang gold medal sa mixed doubles event nga kun matabo amo ang mangin labing-una sa maragtas sang Pilipinas sa Asian Games.
Sang 1966, nakadaog ang Pilipinas sang silver medal paagi kanday Patricia Yngayo kag Federico Deyro. #
