Nagtaliwan na sa edad nga 82-anyos ang British-Irish actor nga si Michael Gambon nga ilabi nga kilala sa iya pagdala sang papel sang Hogwarts headmaster nga si Albus Dumbledore sa anum sa walo ka “Harry Potter” films.
Photo Courtesy: AP
Suno sa publicist sang nasambit nga aktor, ginbawian ini sang kabuhi samtang yara sa ospital matapos man ang malawig sini nga pagsuprer sang pneumonia.
Anum ka dekada ang ginlawig sang karera sang nasambit nga stage and screen legend kun sa diin nakadaog ini sang apat ka British Academy Film Awards.
Magluwas nga kilala sang mga Potterhead, si Gambon ang bantog na nga daan bilang isa sa nagapanguna nga aktor sa Britanya nga nalantawan man sa “Gosford Park”, “The King’s Speech”, kag mangin sa animated family film nga “Paddington.” #
