Naghimo sang panibag-o nga rekord ang Pilipinas sa utang matapos nagdangat na ini sa P14.35 trillion sa katapusan sang bulan sang Agusto.
Suno sa Bureau of Treasury, ang utang sang Pilipinas ang nagsaka sang P105.28 billion ukon 0.7 percent halin sang Hulyo bangud sang ginpahayag nga pagluya sang balor sang peso kontra sa dolyar.
Photo: AC Dimatatac/World Bank
Sa kabug-usan nga utang, 31.8 percent ang ginpanghulam sa luwas sang pungsod samtang ang 68.2 percent naman ang gin-utang diri lang sa Pilipinas.
Ang domestic debt sa katapusan sang Agusto ang yara sa P9.79 trillion, samtang ang foreign debt naman ang yara na sa P4.56 trillion.
Una na nga nagpaandam ang Congressional Policy and Budget Research Department nga mas madasig pa ang pagsaka sang utang sang Pilipinas ipaanggid sa overall budget increase.#
