Nadugangan ang medalya sang Pilipinas sa 19th Asian Games matapos nagpangatlo ang Pinoy Olympian nga si Elreen Ando sa women’s 64kg weight class sa weightlifting.
Nahakwat ni Ando ang 96kg sa snatch kag 126kg sa clean and jerk nga may total nga 222kg.
Nagpanguna sa kumpetisyon ang tiglawas sang North Korea nga si Rim Un-sim nga nakahimo sang bag-o nga Asiad record nga 251kg; kag ginsundan ni Pei Xinyi sang China nga may 234kg.
Ini man ang labing-una nga medalya sang Pilipinas sa weightlifting subong nga Asian Games matapos nga nagpang-apat lamang ang Olympic champion nga si Hidilyn Diaz sa women’s 59kg weight class kahapon, Oktubre 2.
Antes ang Asiad, pamilyar na si Ando sa 64kg nga weight class bangud nga nakadaog man siya sang silver sa amo nga division sa Asian Weightlifting Championships sang 2020.
Photo by Ishara S. KODIKARA / AFP
