ILOILO CITY – Nagpaalam na ang Filipino Olympic silver medalist nga si Carlo Paalam sa 19th Asian Games matapos ginlutos sang pambato sang Uzbekistan sa quarterfinals sang men’s 57kg sa Hangzhou, China.
Ang 23 anyos nga si Abdumalik Khalokov nga nagdaog sa amo man nga division sa 2023 World Championships ang naka-secure sang unanimous decision victory, 5-0, kag magahampang sa semifinals batuk sa home bet nga si Lyu Ping.
Ang ini nga kapyerdehan ang nagguba sang plano ni Paalam nga makakuha sang back-to-back podium finishes matapos nga nakakuha man ini sang brone medal sa amo nga flyweight division sang 2018 Asian Games edition sa Indonesia.
Kasunod sang pagpaalam ni Paalam, naga-isahanon na lamang si Eumir Marcial nga Filipino boxer nga nabilin sa Asian Games kasunod sang pag-advance sini sa semifinals sang men’s 80kg division kasunod sang knockout win batuk sa iya Thai rival.
Si Paalam ang nagdaog sang silver medal sa 2020 Tokyo Olympics kag duha ka gold medals sa SEA Games.
