Ginpauntat sang Sugar Regulatory Administration (SRA) ang distribution sang imported sugar sa mga merkado.
Photo: Jonathan Cellona
Ini ang nagatumod sa 150,000 metric tons sang imported sugar sa crop year 2022-2023 nga napasulod anay sa Pilipinas paagi sa Sugar Order No. 7, series of 2022-2023.
Ginhimo sang ahensya ini nga desisyon bangud sa pagnubo sang farmgate prices halin sa P3,000 pa-P2,500 ukon P2,700 kada bag nga nagatuga sang problema sa mga sugar farmers.
Suno sa katapusan nga price report sang Department of Agriculture (DA), ang presyo sang refined sugar ang nagatupa sa P80-P110 kada kilo; ang washed sugar ang may presyo nga P79-P95 kada kilo; samtang ang brown sugar ang mahimo mabakal sa P75-P95 kada kilo.
