ILOILO CITY – Magapabilin nga bukas ang Ungka flyover sa paskwa kag sa pala-abuton nga Dinagyang Festival 2024.
Ini ang ginkumpirma sang Ilonggo nga si Former Senate President Franklin Drilon nga amo ang nagpangita sang pondo para sa pagpatukod sang apat ka mga flyovers sa Iloilo base sa report sang Department of Public Works and Highways Region VI.
Sa interview sang Bombo Radyo kay Drilon, iya ginpahayag nga katuyu-an sini nga mahagan-hagan ang huol nga matuga sa yuletide season kag sa Dinagyang Festival kun siraduhan ang flyover.
Suno kay Drilon, nagdangat sa P300 million ang ginpa-in sa 2024 budget para sa pagkay-o sang imprasktraktura.
Pahayag niya, ang rectification ang ginalauman nga matapos sa Agosto sa masunod nga tuig.
Una na nga ginpahayag ni Department of Public Works and Highways Region VI officer-in-charge Engr. Sanny Boy Oropel nga posible sa masunod na nga bulan sang Nobyembre magasugod ang initial nga rectification sang flyover.
Sa subong, ang Ungka flyover ang bukas para sa light vehicles humalin las-sais tubtob las-nueve sa aga kag las-kwatro sa hapon tubtob las-otso sa gab-i.
