Nangin ultimate head-turner ang Brazilian-Filipino beauty queen nga si Nikki de Moura sa evening gown kag swimsuit segments sang Miss Grand International 2023 preliminaries!
Suksok sang Filipina beauty queen ang deep neckline trumpet gown nga creation ni Rian Fernandez kun sa diin featured ang lain-lain nga shades sang pink, glitters, kag sheer overskirt.
Photo: Miss Grand International (Live)
Sa detalye, ginpahayag nga ang duag sang gown ang nagapakita sang “majesty kag femininity.”
Nagdugang pa sa katahum sang long gown ni Nikki ang iya suksok nga dangling earrings, smokey eye makeup, kag ang signature curly hair nga amo man ang bida diri sa Miss Grand-Philippines.
Sa swimwear competition, nagapangibabaw man si Nikki sa amo gihapon nga accessories, makeup, kag hairstyle.
Patigayunon ang Miss Grand International coronation sa Oktubre 25 sa Vietnam kun sa diin igatugyan ni Isabella Menin sang Brazil ang iya nga korona sa iya mangin successor.
Wala pa nakaagi daog ang Pilipinas sang “golden crown” halin sang nagsugod ang amo nga Thailand-based international pageant sang 2013. Ang highest placers sang pungsod sa amo nga event amo sanday Nicole Cordoves kag Samantha Bernardo nga pareho nga nangin first runner-up sang 2016 kag 2021. #
