Nabulsa sang para swimmers nga sanday Ernie Gawilan kag Gary Bejino ang duha ka una nga medals para sa Pilipinas sa nagapadayon nga Asian Para Games sa Hangzhou, China.
Photo: Tiebreaker Times
Nagpangatlo si Gawilan sa men’s 200m individual medley SM7 final – ang event kun sa diin siya ang nagkampyon lima ka tuig na ang nagligad sa Jakarta, Indonesia.
Ang nagpanguna sa sini nga edisyon amo ang Chinese duo nga sanday Huang Xianquan kag Yang Huaqiang.
Bronze medalist man si Bejino sa men’s 100m freestyle S6 final nga amo man ang iya place sa nagligad nga edisyon sa Jakarta.
Sa para chess, daku man ang tyansa sang Filipinos sa men’s and women’s events matapos palareho nga nagdaog sa ila nga opening-round matches sa standard events.
Magapadayon ang Asian Para Games tubtub sa Oktubre 28. #
