Nakuha sang kandidata sang Peru nga si Luciana Fuster ang korona sa Miss Grand International 2023 pageant.
Siya ang nagbulos kay Isabella Menin sang Brazil matapos ini nagpangibabaw sa 69 ka iban pa nga mga kandidata nga nagaagaw para sa titulo.
Ang iya runners-up amo sanday Ni Ni Lin Eain sang Myanmar, Maria Alejandra Lopez sang Colombia, Sthephanie Marie sang United States of America, kag Le Hoang Phuong sang Vietnam.
Yari naman ang nakabaton sang special awards:
Best in National Costume: Japan, Nigeria, Vietnam
Country’s Power of the Year: Myanmar
Best in Swimsuit: Dominican Republic
Miss Popular Vote: Myanmar
Best in Evening Gown: Russia
Grand Voice: Ghana
Wala naman nakasulod sa Top 20 ang Filipina-Brazilian model nga pambato sang Pilipinas nga si Nikki de Moura.
Halin sang na-establisar ini nga pageant, wala pa nakakuha sang Miss Grand International title ang Pilipinas apang ang pinakamalapit amo sanday Nicole Cordoves sang 2016 kag Samantha Bernardo sang 2021 nga pareho nga first runner-up. #
