ILOILO CITY – Natupok sang kalayo ang isa ka balay samtang na-damage ang isa pa sa natabo nga sunog sa Sitio Lamintao, Brgy. Talisay, Barotac Nuevo, Iloilo.
Ang natupok nga balay ang ginapanag-iyahan ni Dan-dan Belonio samtang ang isa pa ang ginapanag-iyahan ni Edgardo Pelere.
Sa interview sang Bombo Radyo kay Fire Officer 1 Marvin Hernalim, arson investigator sang Barotac Nuevo Municipal Fire Station, iya ginpahayag nga naghalin ang sunog sa balay ni Belonio kag nalab-ot ang nipa nga atup sang balay ni Pelere.
Suno kay Hernalim, padayon pa ang imbestigasyon agud nga matumod kun ano ang rason sang amo nga sunog.
Ginabanta naman nga nagdangat sa P20, 000 ang balor sang kahalitan.
Maswerte nga wala sang may napilasan sa amo nga sunog bangud nagabugtaw pa ang mga tawo sang natabo ini.
