Nakuha sang Philippine techno-horror movie ni Mikhail Red nga “Deleter” ang Best Scare Award sa 15th Grimmfest, isa ka tuigan nga international festival sa Manchester, United Kingdom!
Istorya ang Deleter sang isa ka online content moderator nga si Lyra nga gina-murto matapos sini gin-delete ang suicide video nga ginhimo sang iya nga ka-trabaho.
Nangin top-grosser ini nga pelikula sa 48th Metro Manila Film Festival sang 2022 kun sa diin ang 30-anyos nga singer-actress nga si Nadine Lustre ang nahatagan sang Best Actress Award.
Ang Grimmfest isa ka independent genre film festival nga popular sa pagkilala sa mga pelikula nga may genre nga horror, cult extreme fantasy, kag sci-fi.
Ginapasakupan ini sang iban nga dalagku nga pungsod kaangay sang Britain, Japan, Spain, Austria, kag France. #
