Naghatag sang pasidungog ang Samahang Basketbol ng Pilipinas (SBP) kag ang Philippine Basketball Association (PBA) sa mga myembro sang Gilas Pilipinas Basketball Team kadungan sang pagbukas sang 48th season sang PBA held sa Smart Araneta Coliseum, Nobyembre 5.
Ang Gilas, sa pagpanguna ni Coach Tim Cone kag Justin Brownlee, ang nakakuha sang gold medal sa Asian Games China — labing-una nga bulawan nga medalya sang Pilipinas men’s basketball sa Asiad sa sulod sang masobra anum ka dekada.
Apisar lain-lain man ang jerseys bangud sa lain-lain nga team nga ila gina-intrahan sa PBA, nagtindog kag nag-isa bilang Gilas Pilipinas sanday June Mar Fajardo, Scottie Thompson, Japeth Aguilar, Calvin Oftana, Chris Ross, Arvin Tolentino, Kevin Alas, CJ Perez, Marcio Lassiter kag Chris Newsome.
Wala si Brownlee kag pending pa ang status sini sa PBA matapos gin-report sang International Testing Agency nga naglagbong ini sa doping test kasunod sang gold medal match sa tunga sang Pilipinas kag Jordan.
