ILOILO CITY – Ang shopping mall ang isa ka masako nga lugar.
Gani, ang pagbantay sa mga makaduludad nga tawo ang dako nga pagpanghangkat sa mga security guards.
Apang ang kapaslawan nga makit-an ang isa ka tawo nga nagatinir sa mall sa sulod sang tunga sa tuig ang daw makaduluda naman.
Sa Shanghai, China, nag-install sang tent ang lalaki sa idalom sang tago na nga hagdan sa amo nga building.
May yara man ini sang gamay nga desk kag office chair.
Sang nadiskubrehan na sang security guards kag pahalinon ang wala ginhingadlan nga lalaki, nagpakitluoy ini kag ginrason nga kinahanglan lamang niya sang isa ka lugar nga matawhay kag malinong samtang nagahanda sa iya college entrance exam.
Ginpahanugutan man ini sang management tubtob nga matapos niya ang tuman ka importante nga exam.
Apang sang ulihi, sang nagbag-o na ang security guard, gin-aresto ini matapos nakumpirma nga pila na gali ka bulan ini nga naga-istar sa mall.
Makit-an sa video nga wala man ini nagatuon kundi, naga-chill lamang kag nagagamit lang sang cellphone.
