ILOILO CITY – Nagahulat pa ang Iloilo City Police Office sang approval nagikan sa Police Regional Office VI may kaangtanan sa ginrekomendar nila nga pagtukod sang Special Investigation Task Force sa kamatayon ni Kristofer Cabalquinto.
Ang mga kamot ni Cabalquinto ang ginbilin sa Barangay Ticud, La Paz samtang ang lawas sini ang ginhal-id sa Barangay Buhang, Jaro, kag ang ulo sini ang nasapwan sa distrito sang Arevalo.
Sa interview sang Bombo Radyo kay Police Major Shella Mae Sangrines, spokesperson sang Iloilo City Police Office, iya ginpahayag nga samtang nagahulat sang approval sang regional office, ang Jaro Police Station ang nagaserbe nga lead unit.
Suno kay Sangrines, ang La Paz Police Station kag Arevalo Police Station ang magabulig sa Jaro Police Station.
Sa subong pahayag niya, ginatutukan sang Iloilo City Police Office ang pagtumod sang persons of interest kag pagtipon sang mga closed circuit television footages nga makabulig agud nga masolbar ang krimen.
