Nagpaulan si LeBron James sang 32 puntos kag ginpangunahan ang Los Angeles Lakers nga tapuson ang three-game losing streak paagi sa paglutos kay Kevin Durant kag Phoenix Suns, 122-119, sa NBA In-Season Tournament.
Sa edad nga 38-anyos, wala sang paghinay sa pwersa sang four-time NBA champion kag four-time MVP sa iya performance sa iya 21st season sa liga sang ginbuy-an man sini ang 11 rebounds kag anum ka assists batok sa Suns nga gindugangan pa ni D’Angelo Russell sang 19 puntos.
Rick Scuteri-USA TODAY Sports
Dalayawon man ang performance ni Anthony Davis nga may 18 puntos, 11 rebounds, kag apat ka assists apisar wala ini nakapakita sa isa ka sambuwa bangud sa hip injury.
Ginpangunahan naman ni Durant ang Suns nga may 38 puntos kag ginsundan ni Bradley Beal sang 24 — 20 sa first half. Wala nakapakita si Devin Booker sa iya ikaaapat na nga sunod-sunod nga hampang bangud sa injury.
Sunod nga atubangon sang Lakers ang Portland Trail Blakers samtang makasambuwa naman sang Suns ang Oklahoma City. #
